Wikipedia:Etiqueta

De Wikipedia
Saltar a navegación Saltar a la gueta
Green check.svg

Esta ye una política oficial de la Wikipedia. Ellaboróse por tola comunidá, y el so cumplimientu ye obligatoriu pa tolos editores. Pues camudar coses menores, como meyorar la redacción o'l formatu, pero si quies camudar coses más importantes ties que consultalo a tola comunidá.

Polítiques de Wikipedia
Los cinco pegoyos
Lo que Wikipedia nun ye
Estándares d'artículos
Puntu de vista neutral
Verificabilidá
Fontes de confianza
Derechos d'autor
Principios globales
Inora les normes
Usa'l bon xaciu
Conflictu d'interés
Trabayar con otros
Etiqueta
Albidra bon xeitu
Nun morder a los novatos
Regla de les tres reversiones
Nun faigas ataques personales
Nun saboties Wikipedia pa encontar los tos argumentos

Wikipedia tendría de ser un llugar onde la xente esfrute editando artículos sobre la so tema favorita, o corrixendo otros, nun clima de collaboración y respetu mutuos.

Sicasí, los collaboradores de la Wikipedia vienen de distintos paises y cultures, y tienen distintos puntos de vista. Por ello, y especialmente en temes bien cercanes a les nueses creencies, esiste la posibilidá de que perdamos la paciencia o nos enoxemos demasiao, por casu por nun tar d'alcuerdo o nun entender les opiniones o aiciones d'otros. Nesos momentos hai que recordar los siguientes encamientos, partiendo de la siguiente regla:

Tratar a los otros con respetu ye la clave pa collaborar con eficacia na construcción de Wikipedia.

Esta páxina ufierta dellos principios d'etiqueta o guíes sobre cómo trabayar con otros na Wikipedia. Puedes lleer más sobre les convenciones básiques en Wikipedia:Polítiques.

Enxamás faigas ataques personales

Inclusive cuando teamos en fondu desalcuerdu col conteníu d'un artículu, vamos proceder con respetu, nunca poniendo axetivos al autor del artículu, sinón criticando l'artículu mesmu, proponiendo soluciones y editando.

Los ataques personales son una forma de falacia: paecen sofitar la nuesa posición, pero en llugar d'esto disvien les razones que pudiéramos tener nel argumentu.

Delles suxerencies

  • Nun camudar los comentarios d'otros nos discutinios: Anque toles ediciones d'artículos que faemos tán suxetes a edición ensin misericordia, los nuesos comentarios en páxines de discutiniu nun tendríen de talo. Éstes de normal tán roblaes, y camudales equivaliría a poner palabres en boca d'otra persona, lo que ye claramente incorreuto.
  • Borráu de páxines de discutiniu: Probablemente nun sía bona idea borrar una páxina de discutiniu cuando nun se ta seguro de si'l discutiniu respeuto a la tema acabó o non. Inclusive cuando lo ta, pue ser útil dexala ensin borrar pal casu de que se diera'l mesmu discutiniu o unu asemeyáu nel futuru, pa qu'asina nun se repitan los mesmos argumentos. La revisión del discutiniu tamién puede esclariar por qué se tomó determinada decisión dientro del artículu.

Qué faer ante un ataque personal

Si ves un claru ataque personal (insultos o descalificaciones graves) empobináu a ti o a otru usuariu nuna páxina d'alderique o nel chigre, nun duldes en borrar el comentariu, faciendo constar nel resume d'edición el motivu pol que lo faes (por casu, «borrao por contener insultos»). Si nel comentariu había daqué válido, el que lo fexo va poder recuperalo dende l'historial, o volver a escribilo en términos más educaos.


Polítiques rellacionaes

Ensayos sobre esta política o sobre temes rellacionaes

Enllaces esternos

  • Netiqueta Páxina Web sobre comportamientu afayadizu na Internet.